Ita pronto ona ka lae atu simu ita nia “premiu” iha loron nebee ita simu justisa? [14/01/2011]

Edisaun: 1



Dala barak wainhira ita hetan defikuldade ruma iha ita nia moris, ita sempre dehan nee tentasaun no ijame ida husi Maromak. Dala barak mos wainhira ita hetan bensaun, grasa ka susesu ruma ita ladun hanoin katak nee mos ijame no tentaasun ida husi Maromak. Iha ema balun husi ita bele agoenta ka tahan hodi hasoru ijame nebee Maromak foo, no iha ema balun mos la bele tahan ba ijame ida nee.

Tuir loloos Maromak nunka foo buat nebee todan liu fali ita ema nia forsa ka kbiit. Tan nee wainhira ita hasoru problema ruma ita persiza iha pasensia no iha esperansa ba NIA. So NIA deit mak buat hotu-hotu bele iha no la iha.


Iha ita nia moris tomak ita sei nafatin hetan ijame. Ita la sei halai sees husi ijame no tentasaun sira nee, ita so bele halo mak oinsaa atu hasoru tentasaun nee. Tentasaun nebee ita hetan iha ita nia moris mak dala ruma liu husi sentimentu tauk, hamlaha, ita nia riku-soin ka osan menus no seluk tan.

Ita tenki hatene katak ho razaun tauk, hamlaha no osan, bele halo ita prontu atu oho ema.


Ita mos tenki hatene katak liu husi sentimentu tauk atu tuun husi ita nia pozisaun ka kadeira (jabatan) ita buka dalan aat oi-oin atu defende nafatin ita nia pozisaun ida nee, no dalaruma mos ita buka dalan


oi-oin atu hasae liu tan ita nia pozisaun ida nee.


Dala barak kuandu ita tauk atu ita nia riku saoin menus ka hotu, ita la kohi fahe ba ema seluk. (sai karakten)

Maluk sira,,,! mai ita koko atu iha laran pasensia….!! tanba ema nebee pasensia sempre hetan grasa no bensaun husi Nai Maromak.


Loos duni katak la fasil ba ita atu sai ema nebee pasensiador, bai-bain ita sempre halai sees lalais deit husi pasensia, "Yah.. buat ida pasensia nee kan iha nia limitasaun/batas." Ou ita nia ibun bele koalia dehan, "Pasensia sa ita bele pasensia”.


Maluk sira, ita sira nee Maromak Ninia kriasaun, entaun ita sei fila fali ba Nia.

Problema, ajar, tentasaun no ijame sira nebee ita hetan nee tuir loos la vale buat ida. Tanba ijame saida deit mak mai husi Maromak, nia rezultadu nee mos sei fila ba Maromak.


Ita mos la kohi kareta nebee ita hola ho ita nia kosarben no kolen tomak atu lakon saugati deit.


Nunee mos ita la kohi atu projetu nebee tuir loos iha ona ita nia oin atu halao, foo fali ba ema seluk mak kaer.


Ita laran moras ka lae ho ita nia vizinyu nebee iha televizaun, kareta foun, no uma foun?




Mai ita hatete ho liafuan mamar no nei-neik husi ita nia laran, katak buat hirak nee hotu mai husi Maromak no sei fila ba Maromak


Ita mai husi rai no sei fila fali ba rai. Se ita bele hanoin no kumpriende loloos liafuan nee iha ijame no tentasau nia laran, Maromak sei foo “Premiu" tuir todan nebee ita simu.


Perguntas ida mai ita mak:







Ita pronto ona ka lae atu simu ita nia “premiu” iha loron nebee ita simu justisa ?








Husi belun:


Abetu,


KBK Klosan ba Kristu