Logo KBK 2013

Logo KBK 2013

Monday, January 31, 2011

REFLEKSAUN BA MISA NIAN

Dala bala barak ita ida-idak hakarak sente moris iha Lalehan. Tanba klaru katak pasti iha nebaa ita sei sente hakslolok hela deit ho Maromak, problema la iha no buat hotu-hotu diak deit.
Maibee ita dala barak la bele realiza ka la hetan moris ida nee iha mundu, loos ka lae? Afinal Maromak haraik tiha moris Lalehan nian iha mundu. Fiar ka lae?
Hakarak sente moris iha lalehan nee ita bele sente liu husi selebrasaun Eukaristia Santa, Misa santa, hanesan Domingo-Domingo ita mai misa hodi iha nebaa ita selebra ita nia fiar ba Maromak no ita hamutuk ho Maromak liu husi Jesus Kristu nia isin no ran. Maibee dala barak ita seidauk kumpriende. Tanba saa mak dehan Selebrasaun Eukaristia santa nee hanesan ita iha lalehan? Tanba iha momentu nee Jesus Kristu rasik hola parte ou marka Nia prezensa liu husi Nia Isin no Nia Raan rasik, nee misteriu ida. Wainhira Nia mai iha Eukaristia ida nee Nia hakarak hela iha ita, Nia hakarak hamutuk ho ita liu husi komungga.


1. Tanba nee maluk sira, hau nia inan aman sira, kolega sira, wainhira ita ba missa ita persiza prepara an didak ba selebrasaun Eukaristia Santa.

2. Eukaristia Santa hanesan ita nia huun kura nian, huun kbiit no hetan poder iha tempu nebee ita hola parte iha sakramentu ida nee.
3. Mai ita hotu husik ita nia an tomak (problema, terus, susar, moras etc) atu esperensia Jesus nia prezensa iha ita nia moris.

4. Maun alin sira, hau konvida ita boot sira atu hateke ba Jesus nia oin nebee marka prezensa ho ita liu husi Nia Isin no Raan. Husik no hamamar ita boot nia laran atu iha tempu kmanek ida nee Nia lao tama ba ita boot nia laran no hamutuk ho ita boot sai ida deit iha fatin ida nee. Nia rasik dehan “ema nebee haan hau nia isin no hemu hau nia raan sei moris ba nafatin” Jon 6:54, 56

5. Simu Nia kura ba. (Nia hakarak kura ita boot).

6. Simu Nia hakuak ba. (Nia hakarak hakuak ita boot).

7. Rona Nia, no hatete ba Nia dehan Nia domin ba ita boot nee boot oinsaa / dala hira ona mak Nia la koalia hamutuk ho ita boot.

8. Saida mak ita boot nia laran hakarak husi Nia, hatete sai ba Nia.


Obrigadu barak no HAHI BA NAI !


Abetu

Sunday, January 30, 2011

MAROMAK MAK NAROMAN

Edisaun 5: Segunda, 31 Janeiru 2011

 [1João 1:5-10]
5 Lia menon nebe ami rona housi Nia, no haklaken ba imi mak ne’e: Maromak mak naroman, la iha nakukun iha Nia.
6 Ne’e duni, ita dehan karik katak ita iha domin iha nia, maibe ita hela iha nakukun laran, ita bosok no ita la moris tuir lialos.
7 Maibe ita moris karik iha naroman, nudar Nia iha naroman, ne’e katak ita iha domin ho maluk sira no, Jesus, nia Oan, nia ran hamos ita housi sala.
8 Ita dehan karik katak ita sala la iha, ita lohi ita an rasik; la iha lialos iha ita.
9 Maibe ita simu an karik nudar ema maksalak iha Maromak futar oin, Nia sei halo tuir nia promessa hodi halo buat nebe los; Nia sei kasu ita nia sala no hamos ita nia hahalok aat hotu.
10 Ita dehan karik katak ita la sala ida, ita halo Maromak sai bosokten, no nia liafuan la hela iha ita.

Reflesaun badak ba ita hotu.

Dala ruma ita boot sira rona ona konaba liafuan ida dehan Kristaun KTP, loos ka lae? Liafuan Kristaun KTP nee ema barak kumpriende katak ema nee Kristaun duni maibee nia hahalok la tuir buat nebee Kristaun nia hanorin. Husi liafuan KTP mos ita bele kompriende hanesan tuir mai nee:

KTP = Kristen Tanpa Pertobatan (Kristaun la ho arepende/hakribit sala)
KTP = Kristen Tanpa Pertumbuhan. (Kristaun la ho fiar nebee buras)
KTP = Kristen Tanpa Pelayanan. (Kristaun la ho serbi)

Se ita haree fali Maromak nia liafuan ohin iha leten, ita bele hetan tan siknifikadu foun konaba kristaun KTP = ”Kristen Tanba Persekutuan”- melalui doa- (Kristaun nebee la kohi moris hamutuk).

Atu moris hamutuk ho see? Moris hamutuk ho Maromak liu husi orasaun no serbi. Siknifika katak, maski ema nee baa misa hela deit, serbi Maromak, maibee nia la iha relasaun diak ho Maromak. Entaun nia atividade serbi sira nee mos sai maran ka mamuk. Hanesan mos robot nebee book an ba mai maibee la iha klamar nebee moris. Saun João hatete katak se ema la iha relasaun diak ho Maromak nee siknifika katak ema nee sei sai atan ba sala no moris iha nakukun.
Maski nia ba misa bei-beik, maibee iha nia moris tomak la kohi hatudu nia identidade nudar ema Kristaun nebee loloos, no dala ruma mos halo hahalok nebee la tuir Maromak nia hakarak.

Entaun belun  sira, mai ita halo evaluasaun ba ita nia an loron-loron. Lalika halo ita nia an nee sai ema Kristaun KTP. Ita tenki matan moris neon nain hodi fila lalais ba Maromak hodi harii relasaun pesoal ho Nia liu husi ita nia tempu orasaun.
EMA NEBEE MORIS IHA NAROMAN SEI LA GOSTA MORIS IHA NAKUKUN

Pergunta ba ita atu reflete:
1. Siada mak ita boot nia hanoin konaba moris iha naroman no iha nakukun.
2. Ita boot lori ona naroman ba ema seluk ka seidauk? Liu husi aspeitu saida?
3. Oinsaa ho ita boot nia tempu orasaun agora dadauk?

Abetu

Thursday, January 27, 2011

THE BELL

This bell is who we are... Amazing!!

THE BELL

I KNOW WHO I AM

I am God's child (John 1:12)

I am Christ's friend (John 15:15)

I am united with the Lord(1 Cor. 6:17)

I am bought with a price(1 Cor. 6:19-20)

I am a saint (set apart for God). (Eph. 1:1)

I am a personal witness of Christ (Acts 1:8)

I am the salt & light of the earth (Matt.5:13-14)

I am a member of the body of Christ(1 Cor 12:27)

I am free forever from condemnation ( Rom. 8: 1-2)

I am a citizen of Heaven. I am significant (Phil.3:20)

I am free from any charge against me (Rom. 8:31-34)

I am a minister of reconciliation for God(2 Cor.5:17-21)

I have access to God through the Holy Spirit (Eph. 2:18)

I am seated with Christ in the heavenly realms (Eph. 2:6)

I cannot be separated from the love of God(Rom.8:35- 39)

I am established, anointed, sealed by God (2 Cor.1:21-22)

I am assured all things work together for good (Rom. 8: 28)

I have been chosen and appointed to bear fruit (John 15:16)

I may approach God with freedom and confidence (Eph. 3: 12)

I can do all things through Christ who strengthens me (Phil. 4:13)

I am the branch of the true vine, a channel of His life (John 15: 1-5)

I am God's temple (1 Cor. 3: 16). I am complete in Christ (Col. 2: 10)

I am hidden with Christ in God (Col. 3:3). I have been justified (Romans 5:1)

I am God's co-worker (1 Cor. 3:9; 2 Cor 6:1). I am God's workmanship( Eph. 2:10)

I am confident that the good works God has begun in me will be perfected (Phil 1: 5)

I have been redeemed and forgiven (Col. 1:14). I have been adopted as God's child(Eph 1:5)

I belong to God

Do you know

who you

are!?

"The LORD bless you and keep you;
the LORD make His face shine upon you
and be gracious to you;
the LORD turn His face toward you
and give you peace."
Numbers 6:24-26

GOD BLESS YOU AND KEEP YOU

Wednesday, January 26, 2011

ESPERENSIA MORIS HUSI ALEIXO

Hau nia naran Aleixo do Rosario Pereira, hela iha Comoro, Pantai Kelapa. Husi distritu Baucau sub-distritu Laga, Escola iha UNTL (FUP). Tama iha Klosan ba Kristu iha 21 Outubru 2006. Agora dadaun serbi hanesan Missionary KBK nian nudar Xefe Apostoladu Familia ba Kaben na’in ba Kristu Timor-Leste.
Klosan ba Kristu mak kondisaun ida nebee hau bele buras iha fiar no halo hau rekuinyese hau nia an liu tan, liu-liu hau nia moris nebe bele hetan ksolok no los wainhira hau involve an iha komunidade ida nee.

Nudar Klosan ba Kristu, oras nee dau-daun, hau serbi nudar Xefe Apostoladu Familia nian, nebee kaer Labarik ba Kristu, Joven ba Kristu, no Klosan ba Kristu. Hau sente kontente ho knar ida nee tanba hau fiar katak Maromak tau hau duni iha komunidade ida nee atu halao nia misaun ida nee, hodi serbi Nia nafatin maske hetan difikuldade barak maibee hau la sente mesak, Maromak foo dalan nafatin mai hau atu halao knar ida ne.

Klosan ba Kristu mai hau mak furak no uniku liu iha kondisaun ida nebee, hau bele hetan ksolok tanba dala barak hau hetan duvida ba hau nia moris aban bairua nian. Maibe liu husi komunidade ida nee, hau bele hetan inspirasaun nebee forte liu no halo hau sussesu iha buat hotu, espesial liu iha hau nia estudu nebee hau rasik duvida ba ida nee. Saatan hau laduun foo hau nia tempu ba hau nia eskola hanesan tugas ruma, liu-liu hau nia teze. Maibee ho hau nia serbi nebee ho laran, hau hetan grasa boot, hau bele ezame eskripsi ho valor nebe hau rasik la hein katak hetan valor diak tanba hau la merese. Inspirasaun nebee hau hetan husi komunidade ida nee mak: “serbi deit tanba Maromak sei kompleta buat hotu nebee ita falta iha ita nia moris no iha ita nia familia”.

Loos duni katak Maromak la haluha duni, no Nia foo prezente espesial duni ba ida nebee serbi ho laran. Dala barak, hau serbi Nia kleur tiha ona maibee hau sei duvida nunka laran metin ba Nia liafuan sira nee, maibe wainhira hau sente liu Maromak nia domin no nia grasa, hau sente hau moe los tanba dala barak hau duvida. Maibee Maromak foo no harahun duni hau nia tauk no duvida. Versiku nebe hau nunka haluha iha hau nia moris no hau hili sai hau nia motto mak “ Jesus dehan keta tauk hau sei hamutuk ho too mundu nia rohan”. Loos duni katak dala barak hau sente dehan hau mesak, tan nee hau nia duvida sira mos barak. Ida nee halo hau hetan korajen maka’as liu tan no hau nia duvida no tauk sira nee lakon. Hau sente katak hau nunka mesak, iha momentu nebee hau sente tauk no duvida, hau sente katak Maromak besik liu hau, iha situasaun nebee difisil.
Ikus mai, tan Maromak nia domin, hau hetan grasa barak espesial liu mak hau bele hetan dosen nebee diak. Nia orienta hau nia eskripsi lao ho diak la halo hau ulun moras, no ikus mai hau nia ezame eskripsi lao ho susesu maske hau nia teze nee hau rasik nunka fokus liu. Nee halo hau hakfodak tanba hetan valor nebe diak.

Hahi ba Na’i !!!

“ Maromak diak!! ....Nafatin"!!

“ Eu Estarei Comvosco todos os dias ate ao fin do mundo”
(Mat 28:20).


Lyus Pereira.

Tuesday, January 25, 2011

MATAN MORIS BA!!!

“JESUS DEHAN...!!!”

“IMI DEHAN KATAK HAU MAK DALAN, MAIBEE IMI LA KOHI TUIR HAU...”

“IMI DEHAN KATAK HAU MAK NAROMAN, MAIBEE IMI LA KOHI HAREE HAU...”

“IMI DEHAN KATAK HAU MAK MESTRE, MAIBEE IMI LA KOHI RONA HAU...”

“IMI DEHAN KATAK HAU MAK NAI, MAIBEE IMI LA KOHI SERBI HAU...”

“IMI DEHAN KATAK HAU MAK LIA LOOS, MAIBEE IMI LA KOHI FIAR HAU...”



“KETA HAKFODAK SE HAU LA KUNYESE IMI IHA LORON IDA....”


Husi:
Abetu

Monday, January 24, 2011

Esperensia husi Fernando da Costa - Kaben nain ba Kristu

SEE MAK HAU?

Istoria Familia Da Costa
Aman : Fernando da Costa
Servisu : Sociedade Civil – INGO Caritas Australia Timor Leste
Inan : Anita de Sousa
Servisu : Sociedade Civil LNGO LABEH ( Lalenok ba Ema Hotu)
Simu Sakramentu kaben : Iha tinan 1996

Ami iha ona nain 6, ami hela iha aldeia 30 de Agosto, Kampung Baru Comoro, Distritu Dili, Sub Distritu Dom Aleixo. Tama KBK iha tinan 2001. Agora Servi hanesan Chapter Dili no iha Equipa Governancia Timor Leste

KABEN NAIN BA KRISTU BA HAU
Sentido Kaben Nain ba Kristu ba hau nia familia mak Muda hau nia Familia nia Moris no ema ida-idak ba koinese diak liu vida kada humana ida ho Maromak.
Transformasaun boot iha KBK ba hau nia Familia mak Hamamar fuan ne’ebe to’os, sai fuan domin Kristu nian.

KBK HAU NIA MORIS NUDAR ORAS NE’E DADAUN
Haksolok nafatin ba Nai nia Bolu, no relasaun pesoal ho Maromak metin nafatin maske Esperencia moris horseik sai esperencia moris foun ba Moris Ohin no Moris Ohin sai esperencia moris foun ba Moris Aban.atu kohnese diak liu tan moris lolos ho Kristu.

HAU NIA VISAUN BA HAU NIA MORIS IHA KABEN NAIN BA KRISTU.
"Sai aihun fiar nian ba Familia no KBK Timor Leste"

BA HAU NIA BELUN SIRA
• Husik Hau Hirus maibe labele husik hau halo sala
• Hau mak ne’e, Nai

Hau nia mensajen:

Kristu mak Modelu lolos Moris nian, Maske monu ba rai no ema hewai nia hodi baku, Tebe, dudu, dulas ibun, Tafui kaben tasak, koalia lia mal oi-oin hasouru nia MAIBE KRISTU hamrik nafatin hodi hasan nia KRUZ hateke ba foho kalvariu tutun ho ESPERANSA BOOT. Katak maske hasouru desafiu ka obstakulu oi-oin maibe haksolok nafatin ho Kristu hasan Ita nia Kruz lao tuir NAI. Ita Monu mais hamrik nafatin lao ho Kristu ba oin nakuno ho ESPERANSA. Sei Ita monu mak sai hanesan esperencia moris foun ida hodi kompleta Ita nia moris sai diak liu tan hamutuk ho Kristu Maksoin LAO BA OIN.

Obrigadu barak no hahi ba Nai!


Nandito
Kaben nain ba Kristu

Esperensia husi Paulina: "MUDANSA MORIS"

Hi……..Maluk sira hau nia naran Paulina Ximenes.
Hau hela iha Beto-Barat, Comoro, husi Distritu Lautem, agora dadauk hau servisu iha UNMIT, hahuu tama iha Klosan ba Kristu iha tinan 2007, no agora dadauk serbi hanesan Sefi Unit Parokia Aimutin.
Hau hola parte iha komunidade KBK ministru Klosan ba Kristu nee hanesan premiu boot ida mai hau, tamba liu husi dalan ida ne’e hau senti oinsa hau bele hatene klean liu tan kona ba Maromak iha hau nia moris, oinsa hau bele agradese ba Maromak ba diak tomak nebee Nia foo tiha ona mai hau. Maski uluk-uluk mos hau ativu ba igreja maibee, la hanesan ho hau nia involvementu iha komunidade ida nee, hau ladun komprende Maromak nia domin iha hau nia moris. Uluk hau seidauk membru iha Klosan Ba Kristu, wainhira hau hetan diak ruma hau sempre konsidera ida ne hanesan hau nia sorte, hau la hatene katak ida ne’e grasa nebe mai husi Maromak.

Hau kontente tebes moris nudar Klosan Ba Kristus laos tanba la iha ona problema nebee hau hasoru iha hau nia moris maibee wainhira hau (semakin) deside atu ativu liu tan hau hasoru problema barak tan deit ho ida hau realiza katak hau presiza atu iha inisiativu fo an nafatin atu serbi tanba liu husi problema no desafiu barak nee mak hau bele apriende lisaun barak husi nebaa.

Moris laos deit atu husu buat nebe ita hakarak ba Maromak maibe ita mos tenki iha obrigasaun atu halo buat ruma ba Maromak liu husi halo tuir nia hakarak, sai Ninia sasin ba maluk sira seluk, fo ita nia tempo atu serbi nia povu sira.

Sao Paulo Hateten: “Hau lakon wainhira hau la ba haklaken”. Objetivu moris laos iha servisu, iha hahan barak, iha familia no kontenti hamutuk ho familia mak para iha ne’e deit ona. Maibee lae, moris hatudu mai ita halo buat ruma iha mundu ida, tamba saida........??? Tamba realidade mundu ohin loron hatudu, katak maski sira nia moris ita harer kompletu tiha ona maibe sira dehan buat sira ne’e sei kuran, sira la pertense Maromak Ninia liman rohan iha sira nia moris. Tamba ne’e mak nunka satisfeitu buat nebee mak sira iha. (Maromak dehan; Keta buka mundu nia riku soin deit, tamba mundu nia riku soin sei la vale iha reinu lalehan nian).

So hau hein katak kolega sira bele mai kolabora hamutuk ho ami hodi nune’e lori Nai nia povu ba reinu lalehan nian, AMEN.

Obarigada barak no hahi ba Nai!

Husi:
atan hau
Paulina Ximenes

ESPERENSIA HUSI MARCOS: Transformasaun nebee boot.

Hau nia naran Marcos Taek Abi, husi distritu Oecusse, hela iha Kampung Alor. Agora dadaun hau estuda iha Universidade Nasional Timor Lorosae. Hahu tama Klosan Ba Kristu iha tinan 2008, no agora hau nudar membru Klosan Ba Kristu, serbi nudar Misionariu Voluntariu ba Joven Ba Kristu iha Timor Leste.
Klosan ba Kristu ba hau hanesan movimentu katolika ida nebee ho Espiritu transforma, hakonu no haburas hau nia moris hodi hetan liberdade ba moris nebee nakonu ho ksolok, domin no hatudu dalan ba hau atu hatene terus no deskobre liu tan hau nia moris nia hun.

Hau moris nudar Klosan Ba Kristu oras nee daudaun nakonu ho ksolok livre no uniku, tanba liu husi problema pesoal oi-oin nebee hau hasoru iha hau nia moris halo hau nia relasaun metin liu tan ba Maromak. Hau fiar katak liu husi tentasaun mak bele halo hau deskobre katak Maromak hadomi liu hau.

Hau nia vizaun ba klosan ba Kristu katak, hau hakarak sente ksolok loloos Maromak nian ba hau nia moris liu husi serbi.
Hau nia prinsipiu iha klosan ba Kristu hakarak defende Maromak nia liafuan nebee hateten “hau mak hili o laos o mak hili hau,” tan ne hau laran metin no sadere ba Kristu tan nia mak hau nia abut moris Nia.

Obrigadu barak no hahi ba Nai!

Husi: Marcos

Tuesday, January 18, 2011

"HAU MAI MORIS IHA MUNDU ATU HALO SAIDA?"

Edisaun 4: [19 Janeiru, 2011]

I. TANBA SAA MAK MAROMAK LA TAU KEDAS ITA IHA LALEHAN?
1. Loos duni katak loron ida ita hotu sei hamutuk ho Maromk iha lalehan. Maibee nee so bele akontese wainhira ita deside duni atu hamutuk ho Nia, no ita nia desijaun sira nee tenki teruji lai too mantap mak ita bele hamutuk ho Nia.
2. Tanba se ita moris kedas iha lalehan la garante katak ita gosta atu hela iha nebaa. Loos ka lae? Buktinya saja anju sira nebee iha lalehan, too ikus barak deside atu la kohi hamutuk ho Maromak iha lalehan, sira kontra atu moris iha sira nee mak diabu, satanas lucifer.
maibe sira kaan rai nebe diak liu, katak sira nia uma iha lalehan. Tan ne’e mak Maromak la moe wainhira ema dehan katak Nia mak sira nia Maromak, basa Nia mak hadia sidade ida ba sira (Ebreu 11:16)
Ita kaer metin to’o rohan karik buat nebe ita fiar ona, ita sai Kristu nia maluk (Ebreu 3:14)

II. TANBA SAA MAK ITA TENKI HELA IHA MUNDU IDA NEE?
1. Maromak la tau kedas ita iha lalehan, maibee tau ita iha mundu ho objetivu katak atu ita bele iha tempu uitoan hodi hanoin no deside hakarak moris hamutuk ho Nia ka la kohi?2. Maromak tau ita iha mundu para ita mos iha tempu naton hodi bele adapta ita nia an ho situasaun iha lalehan. Workshop nee iha razaun 5 ba ita tanbasaa mak ita moris iha mundu.

1. MORIS IHA MUNDU MAK TEMPU BA ITA ATU HANOIN NO DESIDE.
 
- Maski ema hotu bele hanoin katak Maromak nee iha, maibee sei iha ema barak mak la fiar katak Maromak iha.
"Kata orang fasik itu dengan batang hidungnya ke atas: ‘Allah tidak akan menuntut! Tidak ada Allah!’, itulah seluruh pikirannya" (Mazmur 10:4)
- Nunee mos, maski ema barak fiar katak lalehan no inferno nee iha, maibee sei iha nafatin ema barak nebee la kohi ba lalehan tanba sira gosta liu hili mundu nia gostu.
28No tamba sira ne’e lakohi simu Maromak, Maromak husik sira ba sira nia hanoin nebe nakukun atu halo buat nebe la los. 29Sira nakonu ho buat hotu nebe aat: laran aat, karakten, laran foer: nakonu ho laran moras, oho ema, hirus malu, bosok malu no hasara malu. Sira konta ema nia vida, 30lori lia kona ba ema seluk, hirus Maromak, foti an, gaba an, loko an, matenek atu halo aat, no refila sira nia aman inan, 31beik, ema la bele konfia, fuan tos, laran tos. 32Maski sira hatene Maromak nia ukunfuan lo-los katak sira nebe halo buat hirak ne’e soi mate, sira la’os deit la halo sira maibe fo tan tulun ba sira nebe halo nia.." (Roma 1:28-32).
- Maromak foo tempu natoon ba ita atu sadar no hakribit sala. Tinan 60 ou 80 mak tempu nebee naruk uitoan atu ita hanoin no deside.
“Ne’e duni, hakribi imi sala ba hodi fila hikas ba Na’i atu imi nia sala bele hetan perdua, 20no Na’i haraik ba imi tempu atu hafoun an no haruka ba imi Messias nebe Nia hanoin ona atu saran ba imi, katak Jesus” (Apostulu 3:19-20).
Na’i la hein kleur atu halo tuir buat nebe Nia hakotu, nudar ema balun hanoin; maibe Nia laran diak liu ba imi, hodi lakohi katak ema ida lakon, maibe atu ema hotu bele hakribi nia sala. (2 Pedro 3:9).

2. MORIS IHA MUNDU PARA PREPARA ITA NIA AN ATU/TRANZISAUN (MASA TRANSISI) BA LALEHAN.
- Tama iha lelahan laos hanesan ita tama ba bisokop nebee iha nebaa ita tuur deit ka nonton deit. Tama iha lalehan mos laos hanesan tama iha restaurante nebee ita husu pelayan sira atu serbi ita.
- Tama iha lalehan nee katak tama iha familia boot Maromak nian nebee ita sei koalia ba malu hanesan dadauk ita halo, no iha nebaa ita persiza karakter ilahi nebee loron-loron ita sira nee koko dala barak atu halo tuir. Ez: haraik an, fiar malu, rona malu, respeita malu, serbi malu etc.
- Karakter ilahi ida mak oinsaa hahi no adora Maromak. Tanba nee moris iha mundu para ita pratika buat nebee ita atu halo iha lalehan. Tebes ka lae ?

3. IHA MUNDU ITA APRENDE ATU HAHI NO ADORA MAROMAK.  
- Ema nebee la toman adora no hahi Maromak, sei foti an wainhira nia tama ba reinu lalehan, tanba ida nee mak ita persiza treinu ita nia an atu adora no hahi Maromak liu husi orasaun hahi no adora (Worship) iha mundu nee. “Housi Nia, ita hasa’e nafatin sakrifisiu hahi rohan laek nian ba Maromak; katak liafuan sira housi ibun nebe simu Nia naran." (Ebreu 13:15)

4. IHA MUNDU ITA APRENDE ATU UZA KARAKTER EMA LALEHAN NIAN. 
- Iha lalehan nebaa sei la iha tan ona ema laran moras, foti an, provokador, egois, sala foer, ohodor, bosok ten, etc (Galasia: 5:19-2; Apokalipse 21:8). Ema sira hanesan nee sei la iha lalehan tanba barak husi sira nee mak Maromak haruka sira ba infernu, maibee sira nebee hakarak muda an, sira uza ona Jesus nia karakter.
"12Nudar ema sira nebe Maromak fihir ona, nebe santu no Maromak hadomi, tau laran luak, laran kmaus, haraik an, laran sadia no pasiensia nudar imi nia hatais. 13Simu malu di-diak, tahan malu wainhira imi iha buat ruma hasouru ema seluk. Imi sei perdua malu nudar Na’i fo perdua ona ba imi. 14Iha sira ne’e hotu nia leten, tau tan domin nebe kesi metin sira seluk atu sai buat furak ida deit. 15Husik Kristu nia dame ukun imi nia fuan, basa tan ne’e mak Maromak bolu imi nudar liman-ain isin lolon ida deit nian. Fo agradese nafatin.." (Kolose 3:12-15).

5. IHA MUNDU ITA APRENDE ATU SERVISU (SERBI).
- Jesus dehan katak see mak manan nia sei ukun hamutuk ho Nia (Apokalipse 20:4,6; 22:5)
Klaru katak ema sira nebee mak bele halao responsabilidade nebee boot ho diak koserteja ema nee pasa (lulus) atu halao responsabilidade nebee kiik durante iha mundu.
21Na’i dehan ba nia: ‘Diak los, atan diak no laran los; tan o hatudu laran los iha buat nebe kiik, ha’u sei fo buat barak ba o atu tau matan. Tama ba o Na’i nia ksolok. (Matius 25:21).

Pergunta:
1. Ita boot prepara-an no prontu ona atu baa ka moris iha Lalehan ka lae?
2. Ita boot prontu ona atu simu knaar nebee Maromak atu foo ba ita boot?

Husi:
Abetu
Klosan ba Kristu

Monday, January 17, 2011

"LA BELE SUBAR AN !!!"

Edisaun: 3 [18 Janeiru 2011]

Lee: Marcos 7:24-30
Hafoin Jesus sai housi neba, la'o ba rai Tiro no Sidon. Nia tama iha uma ida, basa Nia lakohi katak ema ruma hatene. (Marcos 7:24)

Mina morin nebee halo husi ai-funan roja sai hanesan produtu diak liu iha rai Bulgaria. Mina nee nia folin karun teb-tebes no mos hetan taxa nebee aas.
Iha loron ida, malae turista ida sosa mina morin nee butir rua iha Bulgaria. Tanba nia la kohi atu selu taxa, entaun nia subar mina morin butir kiik rua nee iha nia pasta laran. Maibee, karik nia rai laduun loos entaun mina nee nakfakar uitoan iha nia pasta laran. Wainhira nia atu fila fali ba nia rai to’o iha stasioun kereta api mina morin nee komesa morin husi pasta laran sai ba fatin-fatin, hodi halo ema hatene katak nia lori mina morin iha nia pasta laran. Entaun ema sira nebee bai-bain pasa revista nee komesa hatene. No too ikus sira hetan duni mina nee.............!!!!!!
Istoria nee hanesan kona ba Nai Jesus Kristu Nia prezensa iha ita nia moris. Ita la bele subar ka (merahasiakan) Jesus nia prezensa. Ema barak iha mundu ohin loron hakarak tebes atu tuir Nia, tanba sira hakarak rona Jesus Nia liafuan murak, hodi hetan perdaun husi Nia. Sira mos hakarak hetan Nia Domin nebee boot.
Wainhira Jesus sae ba lalehan, Nia influensia kontinua makaas husi Nia apostulu sira too ohin loron. Ita bele hanoin tok agora ema nain hira mak tuir ona Nia? Woww koaze milliaun rua resin mak tuir no adora Jesus. Ema barak hatene katak sira sempre hamutuk ho Jesus (Apostlu/Kis. 4:13). Sira nia hahalok hatudu katak sira nee mak Jesus Nia eskolante duni.

Pergunta:
1. Ita boot moris duni ba Jesus ka lae?
2. Hahalok domin Jesus saida mak ita boot hatudu ona ba ema seluk hodi halo sira hatene katak ita boot mos Jesus Nia eskolante ida? “No hahalok nee la halo subar.

(Marcos 7:24). Se nune maka mundu sei haree no hatene katak ita boot mos pertense ba Maromak. Favor ida ita boot nia influensia la bele halo subar.....!!!!!!
“HAU HADOMI TEBES O, HAU NIA DOMIN BA O NUNKA PARA !!!”




Husi:

Abetu
KBK-Klosan ba Kristu

Sunday, January 16, 2011

"EMA KRISTAUN NEBEE LOOS" [17 Janeiru 2011]

Edisaun: 2



Karik ita hanoin katak ema Kristaun loloos mak ema nebee reza no baa misa bei-beik ?

Ou karik ita mos hanoin katak ema Kristaun loloos mak ema nebee badinas atu servi ?


Entaun ema Kristaun loloos mak oinsaa ?
Nee ita bele aprende liu husi Saun Paulo nia surat ba sarani sira iha Roma 1:1

1. Hatudu duni nia identidade nudar Kristaun.


Ema kristaun loloos mak berani atu hatudu nia identidade nudar Kristu nia atan. Ita haree Saun Paulo hahuu nia surat ba sarani sira iha Roma hodi hatudu nia an nudar Jesus nia atan, nebee Jesus mak bolu nia atu sai apostulu. Atan katak ema folin laek (budak), ema nebee servisu ba nia patraun. No apostulu katak refere ba Jesús nia apostulu 12 nee.

Saun Paulu deklara nia an nudar Kristu nia atan no mos nudar Jesus nia apostulu. Ho nunee, Saun Paulo hatete katak nia hakarak halo tuir nia patraun nia hakarak ka Kristu nia hakarak, laos halo tuir fali nia hakarak rasik. Tan nee, liu husi hakribi salan nebee nia halo, Saun Paulo hakarak prova katak nia apostulu ba Jesus.

2. Moris Santu.



Nudar ema kristaun nebee loloos persiza moris moos no loos (santu). Saun Paulo hatete katak Maromak halo nia sai santu ona. Katak nia nebee ema sala nain Maromak salva ona nia. Maromak hasantu Saun Paulo liu husi nia moris loron-loron hodi moris santu.


3. Iha objetivu moris.


Nudar ema Kristaun loloos mak tenki iha objetivu moris. Nee mak atu fo glorai ba Maromak liu husi aspeitu moris hotu-hotu. Saun Paulo deklara katak servisu nebee nia halo nee sai nudar nia objetivu moris. Servisu nebee nia halo mak haklaken Maromak nia Evanjelyu iha fatin nebee deit.

Tan nee hau konvida ita hotu atu husu Maromak nia kbiit hodi ita mos bele iha atan berani hatudu ita nia identidade nudar Jesus nia atan no eskolante diak, moris santu, nakonu ho integridade no bele fo Gloria ba Maromak liu husi aspeitu moris hotu-hotu, liu-liu atu sai Maromak nia instrumentu hodi haklaken nia Evanjelyu.

Obrigadu barak ...



Husi:
Abetu
Klosan ba Kristu

HAU HATENE O NEE SEE - [17/01/2011]

KARTA BA HAU NIA OAN DOBEN SIRA IHA MUNDU……

SINU

HAU HATENE O NEE SEE

Karik o la hatene hau maibee hau

hatene buat hotu kona ba o (Salm 139:1)

O tuur ka hamriik hau hatene (Salm 139:2)

Hau kompriende o nia dalan hotu(Salm 139:3)

O nia fuuk lahan sira mos hau sura hotu(mat 29-31)

Tanba hau halo o hanesan Hau nia ilas(Jene 1:26-27)

Hau iha mak o moris, mak o book an no iha (Apos 17:28)

Tanba Hau nia jerasaun mak o ………….(Apos 17:28)

Molok o iha o nia inan nia kanotak hau hatene ona o(Jer 1:4-5)

Hau hili tiha ona o antes Hau halo mundu nee (Efesus 1:4-5)

O mai iha mundu laos tanba sala ida maibee tanba o nia

moris nee hakerek tiha ona iha Hau nia livru(Sal 139:15-16)

Hau determina ona o nia loron no fatin moris(Apos 17:26)

O nia moris nee milagre no uniku liu ..(apos 139:14)

Tan Hau mak forma o iha o nia inan nia kabun(Salm 139:13)

No Hau hasai o iha loron nebee o moris…………… (Sal 71:6)

Dala barak ema sira nebee la kunyese Hau la kohi kompriende

kona ba Hau (João 8:41-44)..Hau la hela dook husi imi maibee Hau

mak ida perfeitu no loos (1João 4:16) No Hau nia hakarak mak atu foo

Hau nia domin ba imi (1João 3:1) buat sira nee tanba imi mak Hau nia oan

no Hau mak imi nia Aman..(1João 3:1). Hau mak bele foo barak liu duke imi nia

aman iha mundu,,,(Mat 7:11) Tanba Hau mak imi nia Aman iha Lalehan (Mat 5:48)

Buat diak tomak nebee o simu no bensaun hotu nee husi Hau nia liman (Tiag 1:17)

Tanba Hau mak hein o nia moris, no Hau mak foo buat nebee o persiza. (Mat 6:31-33)

Hau nia planu ba o mak planu nebee atu foo diak ba o nia futuru....... (Jer 29:11)

Tanba Hau hadomi o ho domin nebee rohan laek ……….………………(Jer 31:3) Hau sempre hanoin barak tebes kona ba o no la bele sura hanesan raihenek iha tasi (Sal 139:17-18)

Hau nunka para atu

halo diak ba o

(Jer 32:40)

!!!!!!!

Tanba o mak hau nia rikusaoin nebee Hau hadomi (Jen 19:5)

"Se o buka Hau ho o nia laran tomak;

O sei hetan Hau (Ul 4:29)

Haksolok mai Hau

no Hau sei foo buat nebee o persiza

(Sal 37:4) tanba Hau mak servisu

iha o nia hakarak (Flp 2:13)

HUSI O NIA AMAN MAROMAK IHA LALEHAN






Husi:
Abetu
KBK Klosan ba Kristu