FOTI AN SUB-SUBAR DEIT

 Mateus 23:12 - Ida nebe foti an, Na’i sei hatun nia; ida nebe haraik an, Na’i sei hahi nia."

 Amsal 16:18 – Kecongkakan mendahului kehancuran, dan tinggi hati mendahului kejatuhan.

 Yesaya 5:15 – Maka manusia akan ditundukkan, dan orang akan direndahkan, ya, orang-orang sombong akan direndahkan.

 Wainhira ita hasoru ema ruma nebee ita kunyese no nia finji la hasee ita ka finji la kunyese ita nee ita dehan katak nia foti an, loos ka lae?

 Wainhira ema ruma koalia barak liu konaba nia karir, servisu, osan, no nia susesu sira (pamer), nee ita dehan katak nia foti an, loos ka lae?

 Wainhira ema riku ruma nebee la ransu ho ema kiak nee mos ita dehan katak nia foti an loos ka lae?

Loos duni belun sira, katak foti an sira hanesan nee dala barak fasil ba ita atu haree, maibee loloos karakter foti an balun mos dala barak subar hela iha ita nia fuan laran nebee klean liu (hati yang paling dalam) no ema laduun haree ka nota. Foti an sub-subar sira nee mak hanesan:

1. Sempre sente katak hau mak diak liu husi sira seluk. Hahalok ida nee bai-bain hatudu liu husi wainhira ita la foo fiar ba ema seluk atu halo buat ruma, dehan ita mak bele halo, nia la bele. Ita mos hanoin katak pasti nia halo bele halo maibee sei la perfeitu hanesan hau halo. Loloos hahalok hanesan nee pergozu liu, tanba ikus mai ita sai ‘DELEK’ ba ema nia kelebihan ou ema nia kapasidade nebee bele mos liu fali ita nia kapasidade. Ita mos la bele ona sukat buat ruma liu husi sasan ruma, maibee ita sukat ita nia an mak diak liu no bele liu. Afinal dala ruma mos ita nia kapasidade la too ema seluk nia kapasidade. Tan nee mai ita soe tiha foti an hanesan nee, no deklara ba ita nia an katak ita nee ema nebee iha limitasaun (keterbatasan).

2. Sente katak nia iha resposta ba pergunta hotu-hotu. Ema nebee foti an sente moe atu husu ba ema seluk. Ema hanesan nee sei halo mesak buat hotu-hotu hodi la involve ema seluk ba serbisu ruma. Dala barak nia sei esforsu an atu hatudu katak nia bele halo mesak ida nee maksi la hetan tulun husi ema seluk nebee iha kapasidade liu nia no loloos nia bele husu ema sira nee nia tulun. Impaktu husi foti an ida nee mak, ema seluk sei la besik nia.

3. Sente katak ema seluk hatuun fali nia wainhira ema seluk halo buat ruma diak liu fali buat nebee nia halo. Nee nia laran moras loos tanba sentementu ida nee foti an. Nia hakarak nee atu ema gava mak nia, fati sae mak nia, hahi mak nia, nia la tahan wainhira ema seluk gava ema nebee halo diak liu fali nia.

4. Dala ruma mos liu husi hahalok diak ka tulun ema (kebaikan). Ita haree katak ita nia an nee mak iha moral liu, laran luak liu, foo laran liu (lebih tulus) duke ema seluk.

Abut ba buat sira nee mak EGO nebee makaas liu. Se iha karik foti an sira hanesa nee iha ita nia laran, husu atu Maromak foo kbiit ba ita atu livre husi baut sira hanesan nee. Tanba buat sira nee sei harahun deit ita nia moris. Diak liu mai ita buka mak haraik an ho maneira treina ita nia an loron-loron. Maromak gosta liu mak ema nebee haraik an. (Konta istoria Mestre nebee hamos uma laran & Taliaferro Washington)

Reflesaun:

1. Hau sei iha duni foti an sira hanesan nee ka lae? No ba oin hau bele muda ka soe tiha foti an sira nee? Oinsaa?

ORASAUN:

Aman Maromak, hau deklara katak hau sei iha sentimentu foti an barr-barak nebee subar hela iha hau nia laran. Tanba nee hau ata harohan hodi Ita Oan Jesus Kristu nia naran, atu hau hetan kbiit hodi leberta hau nia an husi foti an sira nee, Amen.

Matenek nain sira dehan:
“Ema nebee mak foti an la bele haree nia an nee see loloos.”

Husi

Albert SFC

BUAT 3 NEBEE IMPORTANTE IHA ITA NIA MORIS

I. BUAT 3 IHA ITA NIA MORIS NEBEE MAK KUANDU LIU, NUNKA FILA FALI:

1. Tempu

2. Liafuan

3. Oportunidade.

1. Ita bele muda oras fila fali ba kotuk, maibee ita nunka bele kria situasaun nebe hanesan, no ita mos nunka bele muda loron ba kotuk.

Time is free but it's priceless.

You can't own it but u can use it.

You can't keep it but u can spend it.

2. Ita la bele dada fali ita nia liafuan nebee ita koalia sai ona. Ita so bele husu diskulpa sekarik liafuan nebee ohin ita hatete nee la diak. Ita nunka bele hamoos tolok ka liafuan aat nebee ita hakanek ema nia laran, hirus no tanis.

* Maibee diak liu buat nebee mak atu sai husi ita nia ibun mak konaba atu foo onra no hahi ema, duke mak liafuan aat ka tolok deit, diak liu tan liafuan agradese barak mak sai husi ita nia ibun duke lamentasaun (keluhan) kompalin, no diak liu tan mak foo konselu diak ba ema duke hirus ema.

3. Ita la bele hetan fali oportunidade nebee liu ona.

* Maibee ita bele kria tempu seluk nebee foun hodi foo oportunidade iha ita nia.

II. BUAT 3 IHA ITA NIA MORIS NEBEE MAK LA BELE LAKON:

1. Dignidade (kehormatan)

2. Onestu

3. Esperansa

Kuandu ita la iha osan, maibee ita sei iha dignidade, entaun agradese ba tanba dignidade nee nudar riku soin ida nebee iha folin ba ema seluk.

Wainhira ita lakon ita nia dignidade no hakarak atu hetan fali, entaun uza ita onsetu hodi hetan ita nia dignidade. Tanba ema nebee onestu mak ema nebee iha dignidade (terhormat).

Wainhira ita lakon ita nia dignidade tanba ita la onestu, entaun ita persiza iha esperansa katak iha tempu ida ema seluk sei kumpriende buat sira nee nia razaun. Mai ita kuda esperansa iha ita nia moris, katak maski ema barak mak la fiar ona ita tanba ita halo hahalok nebee la onestu, iha tempu ruma sira sei haree ita nia esforsu sira nee.

Kontinua book an nafatin too ita nia kole sira nee kole ona atu tuir ita.

Kontinua halai nafatin too ita nia baruk sira nee baruk ona atu tuir ita

Kontinua lao nafatin too ita nia todan sira nee todan ona atu tuir ita.

Tanba kuandu iha hakarak, konserteja iha iha dalan

III. BUAT 3 NEBEE FOLIN IHA ITA NIA MORIS:

1. Familia

2. Kolega/belun

3. Domin

Koalia konaba riku soin, laos ita iha osan barak mak dehan riku.

Maibee riku soin mak buat nebee ita sei iha wainhira ita nia osan sira nee lakon hotu.

Kuandu ita nia osan sira hotu lakon, hanoin deit katak ita sei iha familia.

Kuandu ita lakon hotu ita nia familia, hanoin deit katak ita sei iha belun ka kolega

Saida mak diferensia entre raan ho kolega?

= Raan nee tama iha ita nia fuan no suli sai, maibee kolega nee tama iha ita nia laran no hela metin iha laran.

Kuandu ita lakon familia hotu no kolega ida mos la iha, entaun hanoin deit ba katak ita sei iha domin atu hetan fali.

If love hurts, then love some more.

If love hurts some more, then love even more.

If love hurts even more, then love till its hurt no more

Husi:

Abetu SFC

"KARTA BA HAU NIA OAN DOBEN SIRA IHA MUNDU"

SINU

HAU HATENE O NEE SEE

Karik o la hatene hau maibee hau

hatene buat hotu kona ba o (Salm 139:1)

O tuur ka hamriik hau hatene (Salm 139:2)

Hau kompriende o nia dalan hotu(Salm 139:3)

O nia fuuk lahan sira mos hau sura hotu(mat 29-31)

Tanba hau halo o hanesan Hau nia ilas(Jene 1:26-27)

Hau iha mak o moris, mak o book an no iha (Apos 17:28)

Tanba Hau nia jerasaun mak o ………….(Apos 17:28)

Molok o iha o nia inan nia kanotak hau hatene ona o(Jer 1:4-5)

Hau hili tiha ona o antes Hau halo mundu nee (Efesus 1:4-5)

O mai iha mundu laos tanba sala ida maibee tanba o nia

moris nee hakerek tiha ona iha Hau nia livru(Sal 139:15-16)

Hau determina ona o nia loron no fatin moris(Apos 17:26)

O nia moris nee milagre no uniku liu ..(apos 139:14)

Tan Hau mak forma o iha o nia inan nia kabun(Salm 139:13)

No Hau hasai o iha loron nebee o moris…………… (Sal 71:6)

Dala barak ema sira nebee la kunyese Hau la kohi kompriende

kona ba Hau (João 8:41-44)..Hau la hela dook husi imi maibee Hau

mak ida perfeitu no loos (1João 4:16) No Hau nia hakarak mak atu foo

Hau nia domin ba imi (1João 3:1) buat sira nee tanba imi mak Hau nia oan

no Hau mak imi nia Aman..(1João 3:1). Hau mak bele foo barak liu duke imi nia

aman iha mundu,,,(Mat 7:11) Tanba Hau mak imi nia Aman iha Lalehan (Mat 5:48)

Buat diak tomak nebee o simu no bensaun hotu nee husi Hau nia liman (Tiag 1:17)

Tanba Hau mak hein o nia moris, no Hau mak foo buat nebee o persiza. (Mat 6:31-33)

Hau nia planu ba o mak planu nebee atu foo diak ba o nia futuru....... (Jer 29:11)

Tanba Hau hadomi o ho domin nebee rohan laek ……….……(Jer 31:3) Hau sempre hanoin

barak tebes kona ba o no la bele sura hanesan raihenek iha tasi (Sal 139:17-18)

Hau nunka para atu

halo diak ba o

(Jer 32:40)

!!!!!!!

Tanba o mak hau nia rikusaoin nebee Hau hadomi (Jen 19:5)

"Se o buka Hau ho o nia laran tomak;

O sei hetan Hau (Ul 4:29)

Haksolok mai Hau

no Hau sei foo buat nebee o persiza

(Sal 37:4) tanba Hau mak servisu

iha o nia hakarak (Flp 2:13)

HUSI O NIA AMAN MAROMAK IHA LALEHAN

Abetu

Intervista ho Sr. Jorge Teme, nebee nudar membru Governansia Kaben nain ba Kristu Timor Leste.

Ekipa dokumentasaun: Saida mak pai Jorge Teme nia mehi ba Komunidade Kaben nain ba Kristu?

Sr. Jorge Teme: Hau iha obsesi ida ne’e espera katak KBK bele buras iha Timor Laran tuir parokia-parokia sira nebe iha Dioseze 3 (tolu) ne’e hotu.

Hau nia mehi mos katak KBK ne’e sai hanesan fundasaun ka istutisaun (awam katolik) nian nebe ke bele hakbi’it, bele sai masin, no bele sai hanesan peoneira konaba habelar Jesus Kristu nia liafuan liu-liu atu kuda domin, paz no unidade ba moris vida ninian iha rai Timor. Hau mos espera katak KBK ne’e bele sai mos hanesan instutisaun ida bele nebee bele hetan suporta hosi igreja no Governu tamba Governu ho igreja mos prekupa konaba moris familia nian, moris joven nian, no moris klosan nian. Entaun instutisaun ida ne’e pronunsia nia-an hanesan solusaun ida ou alternativu nebe bele fo tulun hamoris vida Kristaun nian no moris klosan, joven ba kristu hodi bele sai hanesan futuru pais ida nee no futuru igreja Katolika. Sarani ne’e laos legaliza iha baptismu deit maibe tenkiser iha kualidade moris kristaun liu husi hahalok, kapasidade, fiar ba Maromak ne’e mak importante te-tebes. Ohin loron ita Timor-Leste sai hanesan pais katoliku nebe ke bo’ot liu iha Asia nian, tamba ne’e mak ita buka atu laos boot iha maioria deit maibe tenki boot iha kualidade.

Ekipa dokumentasaun: Saida mak pai nia esfrosu atu halo ligasaun entre komunidade KBK ho guvernu Timor-Leste no igreja?

Sr. Jorge Teme: Hau sei esforsu atu dezemvolve makas liu tan iha komunikasaun ho igreja no mos ho governu para fo sasin ba sira, no KBK iha duni nia misaun nebe ajuda duni familia sira, guvernu, no igreja no bele kria paz estabilidade, kria familia sira nebee iha moris kualidade hodi froma foinsae sira ida-idak nia moris tuir duni dala nebee mak diak no loos. Buat hirak nee hola parte ona atu tulun igreja no governu nia luta ka misaun.

Ekipa dokumentasaun: Pai Jorge iha mehi atu sai misionariu iha komunidade KBK?

Sr. Jorge Teme: Hau sei deside wainhira governu la presiza ona hau atu halo sevisu hanesan pensiun ona, entaun hau sei desidi duni atu sai Misionariu “full time worker” atu haklaken Maromak nia lia fuan liu husi organizasaun ida ne’e. Wainhira hau halo tinan 65 ba leten mak hau deside.

Ba hau la iha tawar menawar no hau la kompromi tamba Maromak ne’e mak hau fiar liu, Maromak ne’e mak hau nia forsa. Hau senti abut hotu ba hau nia vida ba moris no ba hau nia familia mak Maromak. Tanba ne’e mak hau sempre halo balansu ba hau nia moris. Hau la kohi moris ho material nebee todan liu, maibee hakarak moris ho espritual. Tanba ne’e agora hau sei servi iha governu hanesan moris material nian aban bain-ruan hau sei servi Maromak ka “full time”, nee katak halo balansu ba moris espiritual nian.

Obrigadu barak, hahi ba Nai.

Husi:

Albertz

SFC