MORAS KLAMAR

Galatia 5:16-24

16Husik ha’u dehan nune’e: espiritu mak lori imi karik, imi la monu lalais atu buka imi rasik nia ksolok, 17basa buka imi rasik nia ksolok no espiritu la bele la’o hamutuk; espiritu la’o maka’as hasouru buat ne’e; no tamba sira rua ne’e hasouru malu maka’as mak imi la halo tuir nafatin imi nia hakarak diak. 18Espiritu mak lori imi karik, ukunfuan ida mos la kona imi. 19Wainhira imi buka imi rasik nia ksolok, buat nebe mosu mak sala foer, hanoin aat no arbiru deit kona ba isin; 20adora lulik no tau aimoruk aat; hirus malu no istori malu; laran moras ba malu, laran aat malu no tolok malu; lia la tuir malu, fahe malu, hare malu ho laran dodok; lanu ho tua, hahalok aat no buat sira hanesan ne’e. 21Ha’u dehan ba imi ohin kedas nudar ha’u dehan tiha ona ba imi uluk; sira nebe moris hanesan ne’e sei la simu Maromak nia reinu nudar liman rohan. 22Buat nebe espiritu lori mai oin seluk liu: domin, ksolok, dame, pasiensia, laran diak, laran luak, fiar malu, 23laran kmaus no ukun an. Tebes duni, la iha ukunfuan nebe bele hasouru buat sira ne’e. 24Imi la hedi karik ba krus imi nia hakarak atu buka imi rasik nia ksolok no diak, imi la bele pertense ba Kristu Jesus.

MORAS KLAMAR (ESPIRITUAL)

1. Koalia konaba moras: bai-bain iha moras oin rua; ida moras isin (ulun moras, kanker, tumor, kabun moras, flu, malaria, etc) no ida seluk moras klamar ka moras spiritual (Karakten, kanten, loko an, baruk ten, sala foer, laran moras, nervozu aat, etc).
2. Moras espiritual mak pergozu liu moras isin nian, tanba moras ida nee laos deit akontese iha mundu maibee mos akontese iha mundu seluk (fatin nebee ita hela depois de ita mate). Tanba ita tama ba infoernu laos tanba moras isin ezemplu malaria, laso malaria mak halo ita tama ba inferno, maibee moras klamar nian.
3. Nunee mos dala ruma moras espiritual halo ita la konsiente (sadar) katak moras nee iha ita, so ema seluk mak bele haree moras nee iha ita. Ema nebee karakten ka kanten, loko an, dala ruma la konsiente ho nia an, dala ruma mos nia bele sente an wainhira ema hasee nia.

4. Oinsaa mak ita bele rezolve ka kura moras espiritual nian?

Ø  Primeiru, ita persiza kunyese moras espiritual nee mak saida deit. Saun Paulo hatete sai moras espiritual hanesan “hahalok isin nian” (19). Depois tenki “check-up” bei-beik (rutin) liu husi halo evaluasaun ba ita nia an no halo introspeksi ba ita nia an, bele halo mesak, no bele mos halo ho ema nebee Besik liu ita. Bele husu ba nia katak karik hau iha moras espiritual ruma?

Ø  Segundu, se iha moras espiritual ruma buka atu halo tratamentu (kura). Husu konselyu husi belun sira nebee ita fiar, bele mos liu husi lee livru espiritual nebee iha relasaun ho ita nia moris espiritual. No ida nebee prinsipal liu mak, halo orasaun. Ezemplu furak ida nebee ita bele hala tuir hodi livre husi moras espiritual mak iha (Amsal 30:7-9) "Dua hal aku mohon kepada-Mu, jangan itu Kautolak sebelum aku mati, yakni: Jauhkanlah dari padaku kecurangan dan kebohongan. Jangan berikan kepadaku kemiskinan atau kekayaan. Biarkanlah aku menikmati makanan yang menjadi bagianku. Supaya, kalau aku kenyang, aku tidak menyangkal-Mu dan berkata: Siapa Tuhan itu? Atau, kalau aku miskin, aku mencuri, dan mencemarkan nama Allahku"

ITA LEBE PERKUPA DEIT HO MORAS ISIN NIAN MAIBEE

ITA MOS PERSIZA PERKUPA HO MORAS KLAMAR NIAN

PERGUNTA REFLESAUN:

- Moras klamar saida mak hau iha? 

- Saida mak hau persiza atu halo para bele hetan kura husi moras ida nee?

  

Obrigadu barak! Hahi ba Nai.

Alberto Correia

KBK-TL