Konferensia Lider KBK 2013 - "OBEDESE NO FO SASIN"

Canossa Becora,

 
Iha 10 Marsu, Komunidade KBK-Kaben nain ba Kristu dala ida tan marka nia estoria dahuluk iha tinan foun 2013 iha Timor-Leste liu husi eventu espesial ida hanaran “Konferensia Lider Kaben nain ba Kristu” ho tema "OBEDESE NO FO SASIN" nebe realiza iha Salaun Madre Canossa Becora. Total partisipante iha konferensia ida ne’e hamutuk nain 180 nebe mai husi Kaben nain ba Kristu no lider Atan Feto ba Kristu husi Distritu Baucau (Laga, Bruma, Kota Lama, Kota Baru, Fatumaca, Bercoli no Venilale), Ainaro, Remexio, Ermera no parokia sira iha Dili laran tomak.
Eventu ne’e hahu ho selebrasaun Santa Misa nebe prezide husi Pe. Ferdy SVD. Iha mos bainaka nain rua Ir. Paul no Ir. Gilbert nebe mai husi Singapore hodi partisipa iha eventu refere. 

 

Objetivu husi konferensia ida ne’e atu hamanas lideransa sira iha Kaben nain ba Kristu hodi bele halao sira nia misaun evanjelizasaun iha sira nia Distritu/Parokia ho laran manas liu tan. Programa iha konferensia ne’e fahe ba parte rua : Parte 1 - Sesaun Prinsipal ho topiku rua no parte 2 – Workshop tolu. Konferensia ne’e remata iha tuku 5:00 OTL.

Obrigadu and may God be praised!

Abetu

KBK