Orientasaun Juramentu KBK - Dili

Balide, Domingu 24 Fevreiru,

Orientasaun Juramentu iha Balide

KBK Chapter Dili realiza Orinetasaun Juramentu nudar formasaun dahuluk ba membru KBK foun sira hamutuk 22 nebe mai husi parokia Comoro, Aimutin, Becora no Balide. Iha programa refere partisipa mos husi membru ekipa governansia balun no lider unit balun husi parokia Dili laran. Topiku ba Orientasaun Juramentu ne’e hamutuk 4 nebe koalia konaba:

1.      Ita nia Juramentu iha Kaben nain ba Kristu – lori husi Sr. Teotoni Magno, lider unit KBK Aimutin.

2.      Topiku segundu: Orasaun no Sagrada Eskritura – lori husi Sr. Jose Orlando Magno, membru ekipa governansia KBK.

3.      Topiku terseiru: Hametin Moris Familia nian – lori husi Sra. Maria Manecas Carmo (Dete).

4.      Topiku ikus: Kultura Kristaun iha Kaben nain ba Kristu – lori husi Sr. Manuel Alves (Manecas), nebe mos membru husi ekipa governansia KBK.

 

Partisipante sira rona ho atensaun ba topiku sira

Depois de topiku ikus, programa ne’e taka ho renovasaun promesa Kaben nain ba Kristu. Objetivu husi atividade ida ne’e mak atu halo membru kaben nain sira bele kompriende liu tan oinsa sira nia misaun iha KBK nebe hatudu liu husi sira nia moris loron-loron iha familia, servisu fatin no sosiedade.

 

Sr. Manuel Alves lori topiku iha OJ

Obrigadu barak!

Abetu

KBK